Pisortatigoortumik katitsinneqarneq borgmesterimit ingerlanneqartarpoq. Inooqatigiittuttaaq nalunaarsuiffimmiissagaanni tamanna borgmester-imit isumaqatigiissuteqarnikkut pisussaavoq. Oqaluffimmi katinnissamik kissaatigisaqaraanni upperisaq akuerisaasoq aqqutigalugu palasimut saaffiginnittoqarsinnaavoq.

Katinnginnermi katinnissamut piumasaqaatit eqquutsinneqaqqaartussaapput. Pisortatigoortumik katinniaraanni piumasaqaatit eqquutsinneqarsimanersut borgmester-imit misissorneqaqqaartarput. Inooqatigiittut nalunaarsuiffimmiissagaanni piumasaqaatit aamma taamatut ipput.

Naalagaffiup sinniisua akuersiseqqaartinnagu 18-it inorlugit ukiullit katissinnaatitaanngillat.
Siornatigut katereernikuusimagaanni pisortatigoortumik inerniliisoqarsimatinnagu suliarluunniit
    naammassisimatinnagu katittoqarsinnaanngilaq. Naalagaaffiup siniisuanit immikkorluinnaq
    pisoqarsimatillugu aalajangersagaq taanna aatsaat atorunnaasinneqarsinnaavoq.

Najoqqutaq
Katinnginnissinni imersugassaq: Aappariilernissamut nalunaaruteqarneq kiisalu immersugassaq: Katittussat immersoqqaassavasi, taakkua Borgmester-ip allaffiata saaffiginnittarfiani saaffiginninnikkut pineqarsinnaapput.

Immersugassat: Aappariilernissamut nalunaaruteqarneq kiisalu Katittussat tunniunneqartinnagit nalunaarummi apeqqutit tamarmik akineqaqqaassapput. Inuuttut normut, kuisinnermut allagartat - atinulluunniit aallagartat kiisalu inuttut kinaassutsimut paasissutissat inuit nalunaarsorneqarfiata saaffiginnittarfiani pingeqarsinnasut assilineqarneri ilanngullugit nassiunneqassapput. Arlarsi, tamassiluunniit avinnikuusimagussi, avinnissamut akuersissutip avinnermullunniit takussutissap assilineqarneri ilanngullugit nassiutissavasi. Uillarnerit nuleernerilluunniit aapparisimasami toqukkut qimagussimanerisa uppernarsaataanik aamma tunniussaqassapput. Nunat avannarliit avataanni najugallit unioqqutitsinatik Kalaallit Nunaaniissinnaanerminnut uppernarsaammik pas-imillu ilumoortumik takutitsisinnaasariaqarput.

Eqqaamallugu: nalunaaruteqaammi apeqqutit tamarmik akineqassammata atsiornissaalu aamma eqqaamallugu.

Katinnermut atatillugu atinut naggatinullu periarfissat, immersugassami: Aappariilernissamut nalunaaruteqarneq-mi atuarneqarsinnaapput.

Atinut atatillugu allanik kissaatigisaqarussi borgmester-ip allaffiata saaffiginnittarfianut apeqqutilliisinnavusi.

Kommune Kujalliup avataani kommunimi allami oqaluffimmi katinnissassinnik kisaatigisaqarussi imak iliussaasi:
Aappariilernissamut nalunaaruteqarneq pappilissallu pingaaruteqartut allat borgmesterip allaffiata
    saaffiginnittarfianut nassiunneqarsinnaapput/tunniunneqarsinnaapput, taakkulu katinnissamut
    piumasaqaatinik eqquutsitsisoqarsimaneranut immersugassamik tunniussaqassapput.
Ullut pingasut suliarineqareerpat immersugaq aanneqassaaq nassiutsilluguluunniit.
Piumasaqaatinik eqquutsitsisoqarsimaneranut immersugassaq illoqarfimmut katiffissamut
    siusissumik nassiunneqassaaq. Immersugassaq qaamatini sisamani atuuttarpoq.

Katitsinneqarneq
Kommune Kujallermi pisortatigoortumik katitsinneqartarnerit rådhus-imi pisarput.

Aappariilernissamut nalunaarut pappilissallu pingaaruteqartut katsikkusulernissinninnganniit ullut 14-it sioqqullugit borgmester-ip allaffiata saaffiginnittarfianut tunniunneqassapput.

Kommune Kujallermi sukkulluunniit katittoqarsinnaavoq.

Imersugassami: Katittussat-ni ulloq suna, nalunaaqutaq qassinut katikkusunnerlusi allassavarsi.

Katinnermi inuit marluk uppernarsaasuussapput. Nammineerlusi uppernarsaasussanik nassanngikkussi Kommune Kujalleq sulisuminik uppernarsaasussanik sassartitsisinnaavoq. Uppernarsaasut aappariilernissamut nalunaarummut atsiussapput.

Nunami allami katinneq
Nunami allami katinniarussi, borgmesterip allaffeqarfianit katinnissamut piumasaqaatinik eqquutsitsisoqarsimaneranut, pappilissamik atsiukkamik tunniussisoqarsiinnaavoq taannalu katinnissassinnut piumasaqaatinik eqquutsitsisimanissinnik uppernarsaataassaaq. Uppernarsaat qaammatini sisamani atuuttarpoq.

Kommune Kujalliup avataani najugallit
Kommune Kujallermi katissagussi, Kommune Kujallermilu nalunaarsorneqarasi, ilissi nammineq kommunissinnit suliamik uppernarsaammik nassassaasi.

Kontakt:

Kommune Kujalleq
Rådhuset
Borgmesterkontoret
3920 Qaqortoq

Maria Ottosen, Qaqortoq, tlf. 70 41 00
Stine Olsen, Narsaq, tlf. 70 41 00
Sofie Karen Isaksen Levissen, Nanortalik, tlf. 70 41 00