SAQQUMMIUTEQQITAQ

Qaqortumi meeqqanik inuusuttunillu sullissivimmi isumaginninnermi siunnersortitut ataatsimik sulisussamik.

Nanortalimmi meeqqanik inuusuttunilllu sullissivimmi isumaginninnermi siunnersortitut ataatsimik sulisussamik.

Narsami meeqqanik inuusuttunilllu sullissivimmi isumaginninnermi siunnersortitut ataatsimik sulisussamik.

Kommune Kujalleq isumaginninnermi siunnersortinik pikkorissunik tunniusimalluartunillu 1. februar 2012 imaluunniit isumaqatigiissuteqarnikkut atorfinittussanik pissarsiorpoq.

Isumaginninnermi ingerlatsivimmi suliassanik isumaginnittut ilagilissavatit aammattaaq qanimut suleqatigissavatit soorlu allaffimmi sulisut, oqartussaasoqarfiit assigiinngitsunik suliallit suleqatigiiffiat allallu.

Suliassavit ilaat tassaapput:
- Meeqqanut, inuusuttunut ilaqutaannullu siunnersuillutillu aqqutissiuisassallutit
- oqartussat assigiinngitsut suleqatigiinneranni peqataassallutit
- ikiorsiiniutit pilersaarusiortassallugit, aallarnertassallugit malitseqartittassallugillu
- angajoqqaarsiaasartut suleqatigissallugit
- najukkami nalaasinerlorujussuartoqarnissaanut upalungaarsimasut peqataaffigissallugit
- Katsorsaariaaseq "Meeraq qitiutillugu" peqataaffigissallugu
- Kommuni Kujallermi meeqqanut inuusuttunullut tunngasutigut
  neqeroorutinik ineriartortitseqataassallutit

Aamma isumaginninnermi pigaartoqartarnermut peqataassaatit, sapaatit akunnerisa tallimassaanni pigaartuusarlutit. Isumaginninnermi pigaartut biileqartitaasarput.

Takorloorparput isumagissuusutit, inunnut allanut ataqqinnittuullutit - aamma inunnut inuunerminni ingerlanerliortunut. Meeraq qitiutissinnaassavat, ilaqutariilli sinneri puiornagit. Attavigiuminartuullutillu oqaloqatikkuminartuussaatit ilumoorsaarnarnerusuni ilumoorsaarnanngitsunilu.

Marluinnik, kalaallisut/danskisut, oqaaseqaruit iluaqutaarujussuassaqaaq.

Tjenestemandinut assingusumik atorfeqartitaassaatit. Atorfik akissarsiaqarfinnut
38,40,42,44-mi inissinneqarsimavoq. Akissarsiat aallarteqqaarfii tassaapput 21.486,76 akissaateqarfiit 38-ianniillutik. Taakku qaavatigut isumaginninnermi pigaartooqataanermut akissarsiaqartitsisoqassaaq.

Atorfininnermut atatillugu malittarisassat atuuttut malillugit inissaqartitsisoqarsinnaavoq. Taamatuttaaq angalanermut nuunnermullu aningaasartuutit kommunimit malittarisassat qaqugukkulluunniit atuuttut malillugit akilerneqassapput.

Atorfik pillugu paasissutissat sukumiinerusut ukunannga pissarsiarineqarsinnaapput: Isumaginnittoqarfimmi pisortaq Mikkel Ballen, tlf. +299 70 41 00 imaluunniit
e-mail: miba@kujalleq.gl, imaluunniit fagchef Kiista P. Isaksen, tlf. +299 70 41 00,
e-mail: kiis@kujalleq.gl.

Qinnuteqaat pineqaatissinneqarsimannginnermut uppernarsaammik ilalerlugu ilinniakkanik aammalu suliffigisimasanik, kiisalu ilinniakkanut uppernarsaatinik, sulisitsisumit oqaaseqaatinik allanillu ilalik kingusinnerpaamik 28. december 2011 kommunimit tiguneqareersimassaaq uungalu nassiunneqassalluni:

Kommune Kujalleq
Sulisoqarnermut Allaffik
Postboks 514
3920 Qaqortoq

Qinnuteqaat aamma fax-ikut nassiunneqarsinnaavoq, uunga: 70 41 77 imal. kommunip mail-ianut: kommune@kujalleq.gl.