Ullaaq nal. 08:30 Nanortalimmi kalaalimineerniarfittaap silaani erfalasoq amuneqarpoq. Tamatuma kingorna Kristine Raahauge, kommunalbestyrelsimut ilaasortaq aamma teknikkeqarnermut ataatsimiititaliamut kingoraartissaq Nanortalimmilu borgmesteriusimasoq oqalugiarpoq.

Tulliulluni oqalugiarpoq piniartut peqatigiiffiata siulittaasua Lois Eliassen, tamatumalu kingorna kalaaliminneerniarfittaami tamanut kaffillertoqarlunilu tiillertoqarpoq kaagitalerlugit.

Kalaalilmineerniarfittaaq angissuseqarpoq 45 m² kiassaateqarfia ilanngullugu, tassalu tuniniaavik annertussuseqarpoq ca. 40 m2. Ukiuunerani kalaalimineerniarfik kiassarneqartassaaq ca. 8 C tikillugu, aasaaneranilu kalaalimineerniarfik nillataartinneqartarpoq 8 grade C missaani.