Narsami ukiut pingasut matuma siorna assilialiortoq Jette Gejl suliamik Hyperkinetic Kayak, massakkut Århusimi Moesgårdip Katersugaasiviani takutinneqartumik aallarniivoq. Taassuma sikut, silaannaq imerlu assit nipillu atorlugit katersuiffigai taakkulu atorlugit 3D-mik takutitassiaq "WATERFIELD" suliaralugu, takutitassiarlu taanna Narsap katersugaasiviani 2008-ip aasaani iluatsilluaqisumik takutinneqarpoq ukiorlu manna nunatsinni katersugaasiviit ilaannut angalaarunneqarluni.

Jettep maanna hyperkinetiske kajak ingerlateqqillugu eqqumiitsulianut attarmoortunut "Rethink Information" ilannguppaa, taannalu sila pillugu ataatsimeersuarnermut Danmarkimi pisussamut atatillugu saqqummersinneqassaaq. Eqqumiitsuliatut allatulli pitsaalluinnartutut tiguartinnarluinnartuuvoq - aammalumi paasisaqarfiulluarluni.

Uani qanoq ittuunera takutsiarneqarsinnaavoq: www.youtube.com - ujarlugu hyperkinetic kayak

Uani tassunga tunngasut tamaasa atuakkit: Rethink - Contemporary Art and Climate Change på www.rethinkclimate.org