Kommune Kujallermi nuannaarutigeqisatsinnik sanaartugassarpassuarnik kommunimut immikkoortinneqarsimasunik nalunaarfigineqarpugut.

Suliffissanik nutaanik pilersitsinermik akilersaarutinillu isaatitsinermik nassataqartumik sanaartornerup maani aallartinnissaa kommunimi suliffeqarfinnut pingaaruteqaqaaq.

Naatsorsukkavut naapertorlugit sanaartukkat pineqartut tassaapput:
- Nanortalimmi atuartut angerlarsimaffiat - maanna suliariumannittussarsiorneqartoq -
  16. mio. kr. missaannik nalilik
- Qaqortumi autistit angerlarsimaffiat - sanaartornermut akuersissummik qinnuteqaanneqartoq -
  7 mio. kr. missaannik nalilik
- Qaqortumi kollegialiortiterneq - septemberimi suliariumannittussarsiugassat -
   40-50 mio. kr. missaannik nalilik
- Qaqortumi inissiaaqqat - nutaamik suliariumannittussarsiornermi atortussiorfiusut...
  ukiaq manna suliariumannittussarsiugassat - 20 mio. kr. missaannik nalilik
- Nanortalimmi ilaqutariit angerlarsimaffiat - siunnersortimit maanna pilersaarusiorneqartoq -
  7. mio. kr. missaannik nalilik
- Qaqortumi imermik saliivik - sanaartornissamut akuersissummik qinnuteqaanneqartoq -
  19. mio. kr. missaannik nalilik
- Qaqortumi utoqqaat illuat - aningaasartassai inissinneqarput...
  2011-ip naanerani suliariumannittussarsiorneqassaaq 2012-imi upernaakkut aallartinneqassalluni -
  43 mio. kr. missaannik nalilik
- Nanortalimmi kigutilerivik nutaaq 1,9 millioner kr. missaannik nalilik

Sanaartukkat nutaat 154 - 162 mio. kr missaannik nalillit aallarnerneqartussanngorput. Taakkulu saniatigut sanaartukkanik allanik ingerlasoqareerpoq, soorlu atuarfiliortiternerit.

Aammattaaq kissaatigaarput qallukkat uranitaqanngilluinnarnissaannik piumasaqaat atorunnaarsinneqassasoq taamaalilluni Kuannersuarni piiaaffik aallartinneqarsinnaaniassammat kiisalu angallannermut isumalioqatigiissitap kaammattuutigisaatut Qaqortumi mittarfiliorneq aallartinneqassasoq.

Taamaalilluta Kujataani ineriartorneq aallartissinnaavarput.

Paasissutissat sukumiinerusut ataani atsiortumut 49 33 17 atorlugu pissarsiarineqarsinnaapput.

Inussiarsumik inuulluaqqusillunga