Meeqqat 0-miit marlunnik ukiullit meeraaqqerivinnut allatsittarput taavalu meeqqat 3-niit arfinilinnut ukiullit meeqqerivinnut allatsittarlutik. Meeqqeriviit ilaat meeqqat ukiui malillugit immikkoortitigaanngillat, taamaalillutik meeqqeriviit ilaanni meeqqat annerumaat minnerusuni ineeqqameeqataatinneqartarput.

Ukiut tamaasa novembarip naanerani missingersuutit nutaat akuersissutigineqariaraangata kommunalbestyrelsimit nutaamik aalajangiiffigineqartarpoq angajoqqaanut qanoq annertutigisumik akiliuteqartitsisoqassanersoq. Marlunnik qitornaqaruit qatanngutigiinnut akikillisaavigineqarsinnaavutit, tassa meeqqap tulliata meeqqerivimmiitinnera affaannarmik akeqassaaq.

Kommune Kujallermi meeqqerivinnut akiliutaasartut imatut isikkoqarnissaat aalajangiiffigineqarsimavoq: Meeqqerivinniititsisarnermi akit, 2012

Meeqqerivinnik meeraaqqerivinnilluunniit atuisut ulluunerani paaqqinnittarfinniititsisartut akiliuteqartarnerat pillugu, qanorlu ilisukkut akiliisimanngitsunik anisitsisinnaaneq pillugu
naatsumik paasissutissiineq:
Meeqqerivinnik meeraaqqerivinnilluunniit atuisunut paasissutissat

Meeqqerivinnut isertitsisarneq

Kommune Kujalleq Nanortalimmi, Alluitsup Paani, Qaqortumi, Narsami kiisalu Narsarsuarmi meeqqeriveqarpoq. Meeqqeriviit ilaat meeraaqqeriviupput, ukioqatigiinnut immikkoortitigaanngitsuupput imaluunniit meeqqeriviupput.

Pingaaruteqarpoq oqaatigissallugu, meeqqeriviit kommunimiit neqeroorutaammata. Tassa piumasaqaataanngilaq meeqqeriviit pinngitsooratik atorneqarnissaat. Meeqqat allatut paaritikkusukkukku taamaaliorsinnaavutit.

Meeraaqqeriviit tassaapput meeqqanut ukioqanngitsuniit pingasunik ukiulinnut.
Ukioqatigiinnut immikkoortitigaanngitsut tassaapput meeqqanut ukioqanngitsuniit
    arfinilinnut ukiulinnut.
Meeqqeriviit tassaapput meeqqanut pingasuniit arfinilinnik ukiulinnut.

Meeraqaruit isertikkusutannik, najugarisanni meeqqeriveqarnermut allaffeqarfimmut, kommunip allaffianiittumut saaffiginnissaatit Narsami, Qaqortumi imaluunniit Nanortalimmi.

Meeqqat Narsarsuarmi Alluitsup Paanilu najugallit meeqqeriviup pisortaanut tassaniittumut saaffiginissapput. Suliassartai inaarsarneqassapput Narsami Nanortalimmiluunniit.

Naartullutit aamma uatsinnut saaffiginnissinnaavutit, meerartaassat allatsikkiartorlugu. Utaqqisoqarsinnaavormi, utaqqisariaqarsinnaavutit apeqqutaalluni utaqqisutut allatsissimasut qanoq amerlatiginersut.

Meeraqaruit meeqqerivimmut isertikkusutannik, illit nammineq ima iliuuseqassaatit:
Illoqarfimmi nunaqarfimmiluunniit najugaqarfigisanni, inuit allattorsimaffiani allassimassaatit.
Meeqqap atertaarneranik kuisinneranilluunniit allagartaq nassassavat.
Ukioq ilivitsoq kingulleq isertitassi annertussusaat uppernarsaaserlugu nassassavat,
    taannami atussavarput meeqqerivimmut akiliutissavit qanoq annertussuseqarnissaannik
    naatsorsuinissatsinni.

Kommunip allaffiani immersuinissamut ikiorneqassaatit, taannalu atsiussavat.