1. april 2007 Inatsisartut pisortanit ikiorsiisarnermik inatsisit atuutilersitaat tunngavigalugu suleriaaseq ima sullinneqassaatit. Allatigut ikioriarfeqanngivikkaanni pisortanit ikiorsiissutitut makkua nalilersueqqissaarnikkut periarfissaasinnaapput.

Suliffissaaleqinermi:
Kikkulluunniit suliffissaaleqisut, suliffissarsiortutullu allatsittartut, inooqataasorlu aningaasarsiorfeqanngippat suliffissarsiortutut pisartagaqarnissaminnut qinnuteqarsinnaapput, taassumalu saniatigut akiligassat nalinginnaasut akilersinneqartarnissaannut aamma qinnuteqarsinnaallutik.

Taamaattorli piumasaqaataavoq kinaluunniit pisortanit ikiorsiissutinik pisussaq suliffissarsiortutut allatsittartoq ullut 14-it sinnerlugit suliffissaaleqinissaminik naatsersuuteqaruni, taava pisussaavoq sullissisoq peqatigalugu pilersaarummik suliaqarnissamik.

Inuk pilersaarummik suliaqarnissamik peqataajumanngitsoq pisortanik ikiorsiissutinik tunineqarnissaminik itigartinneqarsinnaavoq.

Suliffissarsiuussisarfimmut suliffissarsioriartortarneq:
sapaatip akunnerini akunnaatsuni (soorlu uge 2 uge 4, uge 6 …) ataasin-ngornermi suliffissarsioriartortarput suliffissarsiuussisarfimmut saaffiginninnikkut.

1/1-09-miit karantæneraluartulluunniit aamma pisussaaffeqarput suliffissarsioriartornissamik.

Naatsorsuutsinneq:
Inuit kikkulluunniit sulisimasut aammalu aningaasarsiaat ulluinnarni inuuniutissatut, aammalu akiligassanut akilersuutissatut amigarsorinarpata naatsorsuunneqarsinnaapput. Naatsorsuutsinniartut pappilissanik aggiussisassapput marlunngornermi, taava sisamanngornermi naatsorsuinerit naammassineqareersimassapput.

Saaffiginninnermi nassarneqassapput:
Isertitat tassani pineqarput akissarsiat allagartaat, meeqqat tapii, meeqqanut akilersuutit, allallu suulluunniit isertitat allagartaat qaammammut pineqartumut attuumassuteqartut:
Sillimmasiutit
Illumut akilersimasaq / akiligassaq
Innaallagissamut imermut akilersimasaq/akiligassaq
Kiassarnermut akilersimasaq/akiligassaq
Meeqqerivimmut akilersimasaq/akiligassaq
SIP-mut akilersimasaq/akilertagaq
Eqqaaviit anartarfiit akilersimasat/akiligassat
Eqqaamaneqassaaq inoqutigiinnut 18-it sinnerlugit ukiulinnut akiligassat agguarlugit naatsersuussineq pisussaammat, taamaattumik illumi najugaqatit 18-it sinnerlugit ukiullit amerlassusii ilisimatitsissutigineqartussaatitaapput. Paasissutissat naammattut tunniunneqanngippata suliaq suliarineqassanngilaq, inuup nammineq akisussaaffigimmagu paasissutissat aggiutissallugit. Aammalu eqqunngitsumik paasissutissiinerit unnerluutigineqarsinnaapput.

Immikkut ittumik akiligassanut aaliangersimasunut ikiorsiissutit:
Immikkut ittumik akiligassanut ataasiakkaanut ikiorsiineq taamaallaat pisinnaavoq, akiligassat takkunnissaat siumut qulakkeerneqarsimanngippat, aammalu akiligassat naatsersuutigineqanngilluinnartumik takkuppata. Akiligassanut ataasiakkaanut ikiorserneqarnissamik qinnuteqartigani naatsersuutseqqaarneqassaaq, tamatuma takutippagu naatsersuutsinnermi sinneqartoqanngitsoq, taava allakkatigut qinnuteqartoqassaaq ersarissumik tunngavilersuuteqartumik sooq akiligassaq siumut takkunnissaa naatsersuutigineqarsimannginnersoq. Aammalu akiligassamik akiliiniarluni aningaaserivimmut attartortoqarsinnaasimannginnera uppernarsaateqassaaq.

Napparsimasunut kaasarfimmiut:
Napparsimasut nunatsinni qallunaallu nunaanni napparsimavinni katsorsartittut, allatullu isertitaqanngitsut kaasarfimmiussinneqarsinnaatitaapput.

Akiligassiineq:
Kinaluunniit eqqunngitsumik paasissutissiisimaguni, pisimasaminik utertitsisussaatitaavoq. Ilisimasinnaagaluarlugu tunniunneqartut pisassarinagit tigusimagunigit. Kingusinnerusukkut pineqartoq pensioneqalerpat, taartisippat, akilersuutinik pissarsippat, allanilluunniit ikiorneqarfimmi piffissap nalaani atuuttunik.

Utertitassatut ikiorsiineq: Inuup aningaasaqarnikkut sulinikkulluunniit mianersuaalliorluni iliuuseqarnera pissutigalugu pineqartoq ikiorneqartariaqarpat, tamanna pisinnaavoq: Piffissami pisortanit ikiorsiissutisinissamik qinnuteqarfiusumi takuneqarsinnaappat qinnuteqartoq piffissap sivikitsup ingerlanerani pisortanit ikiorsiissutinik utertitsisinnaasoq.

Naliliisarneq:
Pilersorneqarnissamut, aalajangersimasunik aningaasartuutinut kiisalu aningaasartuutinut ataasiakkaanut pisortanit ikiorsiissutinik qinnuteqartut pisartagaqartulluunniit naliliiffigineqassapput sulisinnaanerminnut periarfis-saminnik iluaqutiginnissinnaanerminni ikiorserneqarnissamut piumasaqaatinik suli eqquutsitsisuunersut, pineqartumit Suliffik innersuunneqartoq itigartinneqassappat Sulilersitaanermik neqeroorummut takkutinngippat Kommunalbestyrelsi-mit ataatsimeeqateqarnissamut isumaqatigiissutaasima-sumut takkutinngippat, imaluunniit Pineqartorluunniit sulisitsisuminit suliler-sinnaalernissaq pillugu oqaloqatiginnikkiartorluni ataatsimiigiarnissamut nalunaaruteqanngippat.

Aningaasanngornagit ikiorsiissutit:
"Aningaasanngornagit ikiorsiissutit" (rekvisitition) siullermeerlutik saaffiginnissuteqartunut aningaasanngornagit tunniunneqarsinnaanngillat, aatsaalli paasineqarpat, pineqartumit ikiorsiissutit atornerlunneqartartut, imaluunniit ikiorsiissutinik nammineerluni aqutsisinnaanngitsoq, imaluunniit suliffissamik neqeroorfigineqaraluarluni suliartorsimanngippat aningaasanngornagit ikiorsiissutigineqassapput.

Suliffissarsiortut suliffeqanngitsut akiligassanik aggiussisarnerat, pisassaaq ataasinngornermi, akiligassat aggiunneqartut sullissisumut saaffiginninnikkut tunniunneqartassapput.

Suliffissarsiortunut ikiorsiissutit sapaatip akunnerini akunnaatsuni tunniunneqartarput (soorlu uge 1 uge 3, uge 5 ), sisamanngornikkut, suliffissarsiortutut allatsissimagaanni aamma eqqaamasariarpoq bankimi konto tunniunneqassammat, ikiorsiissutit aningaaserivimmut ikisinikkut tunniunneqartussaammata.

Inunnik isumaginninnermi siunnersortinik / Socialrådgiver-inik oqaloqateqarniarluni saaffiginninnerit piffissamik inniminneeqqaarluni pisassapput.

Pilersaarummik suliaqarneq / (Handleplan):
Ulloq 1.april 2007 pisortanik isumaginninnikkut ikiorsiisarneq inatsisartut inatsisiliorneratigut allanngortinneqarmat, isumaginnittoqarfiit pisussaaffiinut ilanngunnikuuvoq, kikkulluunniit suliffissarsiortutut allatsittartut inuttut ataasiakkaatut pilersaarummik inuit pineqartut peqatigalugit pilersaarusiornissamik, taanna imaqassaaq suliffissarsiortut siunissami suut pilersaarutiginerai, imaluunniit ilinniaqqissinnaanissaq eqqarsaatigalugu suna takorloor-neqarnersoq, ulluinnarniluunniit inuuniarnermi suna iluarsisariaqarnersoq. Sullissisoq ataasinngornermi suliffissarsiortunik aggersaanermigut suliaqartarpoq.

Naammagittaalliorfissaq:
Suliap suliarineqarneranut naammaginninngikkaanni sulisunut ataasiakkaanut maalaartoqarsinnaanngilaq, aaliangiisoqareernerani sapaatip akunneri sisamat qaangiutsinnagit:
Isumaginninnermi maalaaruteqartarfik, Postbox 1015, 3900 Nuuk
maalaaruteqartoqarsinnaavoq.
Allassinnaanngivissortut sullissisumit ikiorneqarsinnaapput.

Isumaginnittoqarfimmut saaffiginninneq imigassartorsimatigani pisassaaq

Pisortanit ikiorsiissarneq