Innuttaasut angerlarsimaffimmi ikiorteqarnissaminnut periarfissaqarput inuttut ajornartorsiornertik imaluunniit nappaateqarnertik tunngavigalugu.

Angerlarsimaffimmi ikiorteqarnissamut qinnuteqaat pisinnaavoq soorlu Peqqinnissaqarfimmiit napparsimavimmi sulisunit ikiorteqartarialittut innersuunneqarnermikkut. Kiisalu kommunimi Inunnik Isumaginnittoqarfinni sulisut namminneq innuttaasup angerlarsimaffiani ikiorteqarnissaa innersuussutigisinnaavaa.

Kiisalu angerlarsimaffimmi ikiorteqarnissaq nammineq ilaqutaasunilluunniik qinnutigineqarsinnaavoq innuttaasup nammineq ilaqutaasaluunniit illulerinermi imaluunniit inuttut paaqqutarineqarnissamik pisariaqartitsisoriguni.

Innuttaasut annertuumik innarluutilinnut ikiorsiinermi peqqussut malillugu angerlarsimaffimmi ikiorteqartuarnissaq periarfissaavoq namminneq imminnut ikiorsinnaangikkunik.